28.Ago.2013 O 5º aniversário da Estaleiro no Festival da Poesia no Condado


Os dias 30 e 31 de agosto terá lugar em Salvaterra de Minho a vigésimo sexta ediçom do histórico Festival da Poesia no Condado, convocado este ano com o lema ‘Desobediência’ e no qual terá lugar um atrativo programa poético e musical.

Entre as atividades programadas para o sábado 31, às 20 h., nas Covas de Dona Urraca, Estaleiro Editora celebrará os seus cinco anos de trajetória com a apresentaçom de um video comemorativo e com a proposta de umha sessom de conversa, reflexom e debate com o público assistente.

O Festival da Poesia no Condado constitue para a Estaleiro umha das citas de referência do calendário estival. Em anteriores ediçons, fôrom ali apresentados títulos da nossa coleçom de poesia como Suburbia, de Oscar Mourave, Como estás?, de Claudio Pato, ou Aquiltadas, de Susana S. Arins. Por outro lado, no posto da editora poderám ser adquiridos os títulos que temos em catálogo, incluidas as duas últimas novidades: Baixo a lona preta. Xornal de viaxe dun brigadista na Bahia do MST, de Xosé García Rodríguez, e A batalla polas pensións, de Xabier Pérez Davila.

 

Comentarios desactivados en O 5º aniversário da Estaleiro no Festival da Poesia no Condado

Essentials

Meta

Pages

Categories