21.Ago.2012 Resenha de Por umha democracia radical em Novas da Galiza

No penúltimo número do jornal Novas da Galiza Daniel R. Cao fazia umha resenha do nosso Por umha democracia radical. Transcrevemo-la a seguir, mas tambén se pode descarregar o pdf aqui.

Para os nascidos nas décadas de oitenta e noventa falar de revoluçom converte-se num duplo exercício. Por umha banda explorar a própria capacidade de conjugar o pretérito, por outra revisar as imagens de pequenos, e nom tam pequenos, processos de mudança impulsados de baixo em realidades mui alheias e numhas chaves dificilmente aplicáveis no contexto galego. Nom só porque Xanceda nom é Chiapas, nem Maria Pita Tahrir, senom porque a nossa situaçom geográfica está num lugar em que o poder é menos identificável, a priori. Acreditando ou nom no pós-modernismo, o certo é que falar hoje aqui de contradiçons únicas parece pouco menos que insuficiente. Precisamente, a proposta de Estaleiro, através de “Por umha democracia radical”, nom é outra que pôr sobre a mesa umha série de elementos para o debate, expondo umha análise pragmática, a sabendas da heterodoxia que impera nos, chamemos-lhe esquerda, chamemos-lhe movimento, círculos que pulam pola construçom de um processo contra hegemónico na Galiza. Estes elementos som algumhas das múltiplas linhas de fractura que agacha o concepto poder do século XXI, e esta obra chama a identificá-las, sem cair em teorizaçons que podam provocar novos confrontos teóricos, só identificálas. Para isto conta com algo que também se está a converter numha inovaçom quanto à produçom de discurso se refere, que é um discurso que vem redigido das praças, das barricadas ou dos centros sociais, de ativistas que incidem no dia a dia sobre essas linhas assinaladas. Analisando isto de forma vertical, entrando nas gramáticas de Fanon, refletindo primeiro como atua o ser para ver como o sofre o nom-ser, como funciona o direito penal e como o sofrem os migrantes e as pessoas presas, por pôr um exemplo.

Nom é pois, um livro para comentar (ou resenhar), é um livro para interpretar melhor a realidade, um livro para ser levado a cabo.

Comentarios desactivados en Resenha de Por umha democracia radical em Novas da Galiza

Essentials

Meta

Pages

Categories