05.Xul.2012 Solidariedade de Estaleiro Editora com o CS A Revolta e a Gentalha do Pichel

Desde o começo da sua atividade editorial, em 2008, Estaleiro Editora marcou como um dos seus objetivos fulcrais a participaçom colaborativa nas redes sociais e culturais de base espalhadas por toda a Galiza. Dentro dessas redes, o trabalho com e nos centros sociais vem constituindo para nós umha dimensom privilegiada, tanto para a distribuçom dos nossos livros quanto para a realizaçom de apresentaçons ou outros atos.

Por todos estes motivos, desde Estaleiro Editora queremos transmitir a nossa mais sentida solidariedade com o CS A Revolta de Vigo, cujo local foi atacado e parcialmente incendiado por elementos fascistas o passado 9 de Junho. Com este comunicado pretendemos fazer chegar às companheiras e companheiros da Revolta todo o alento necessário para continuarem o seu impecável trabalho social, cultural e político.

Também em datas recentes tivemos notícia da multa a que foi condenada a Gentalha do Pichel por supostas irregularidades na celebraçom da noite de Sam Joám do ano 2011. Dada a motivaçom claramente ideológica desta sançom, continuadora das agressivas políticas empreendidas pola cámara municipal de Compostela nos últimos anos contra o centro social compostelano, Estaleiro Editora envia um abraço igualmente solidário às pessoas que diariamente sustenhem a Gentalha do Pichel, animando-as a nom desistirem na sua imprescindível atividade associativa.

Estaleiro Editora, Junho de 2012

Comentarios desactivados en Solidariedade de Estaleiro Editora com o CS A Revolta e a Gentalha do Pichel

Essentials

Meta

Pages

Categories